لومړۍ برخه: د سنټرل بزنس ډسټرکټ يعنې سي بي ډي ګلبرګ لاهور پنځه کاله پوره شول سنټرل بزنس ډسټرکټ يعنې سي بي ډي ګلبرګ لاهور د 2026 کال د فبرورۍ په 26 نېټه پنځه کاله پوره کړل۔

په دې پنځو کلونو کې دا پروژه د خپل اصلي ويژن په وړاندې نن په کوم ځای کې ولاړه ده؟

ايا د دې پروژې د جوړولو چټکتيا هماغه وه چې په پيل کې يې ژمنه شوې وه؟

هغه باور چې پانګه والو په پيل کې په دې پروژه وښود، ايا رښتينی او دوامدار و که يوازې يو marketing gimmick يعنې تبليغاتي حربه وه؟

ايا پروژه د هماغه تصور او تيم له مخې پر مخ روانه ده چې د لانچ په وخت کې وړاندې شوې وه؟ د هغو سلو اسماني لوړو ودانيو او هاي رايز ودانيو چې اعلان يې شوی و، ايا کار پرې هماغه ژمن شوې چټکتيا سره روان دی؟

د سي بي ډي د پرانيستې پر مهال د پروژې ارزښت شاوخوا 3 زره 5 سوه اربه روپۍ اټکل شوی و۔ تر اوسه په حقيقت کې څومره پانګه اچونه شوې ده او پروژه د دې مالي ادعا څومره نږدې شوې ده؟

راځئ چې د دې پروژې تفصيلي جاج واخلو او دا يې په درې بنسټيزو ستراتيژيکو پړاوونو يعنې Strategic Phases ووېشو، تر څو د ادارې ويژن يعنې Vision، د مارکيټ غبرګون يعنې Market Response او تر نن ورځې پورې کارکردګي يعنې Performance to Date بېل بېل وڅېړو۔

په دې جاج کې به موږ دغه درې واړه پړاوونه جلا جلا وڅېړو او په هر پړاو کې شوې ژمنې او ترلاسه شوې عملي پايلې به خپلو لوستونکو ته په روښانه ډول وړاندې کړو۔

راځئ لومړی پړاو ته لاړ شو۔

د 2021 کال د فبرورۍ په 4 نېټه د پنجاب حکومت، هغه وخت چې په صوبه کې د پاکستان تحريک انصاف حکومت او وزير اعلی سردار عثمان بزدار و، د لاهور سنټرل بزنس ډسټرکټ ډويلپمنټ اتهارټي يعنې LCBDDA آرډيننس جاري کړ۔ په بېړه سره اداره جوړه شوه او يوازې 22 ورځې وروسته، د 2021 کال د فبرورۍ په 26 نېټه، په ګلبرګ لاهور کې د والټن هوايي ډګر په کارېدونکې ځمکه باندې د دې ادارې لومړۍ لويه پروژه يعنې سنټرل بزنس ډسټرکټ لاهور د هغه وخت وزير اعظم عمران خان له خوا په رسمي ډول پرانيستل شوه۔

د بنسټ ډبرې په مراسمو کې وزير اعظم عمران خان سنټرل بزنس ډسټرکټ د پاکستان د اقتصاد لپاره يو “ګيم چينجر” پروژه وبلله۔ د رسمي اټکلونو له مخې وويل شول چې دا پروژه کولی شي په اوږد مهال کې شاوخوا 3.5 ټريلين روپۍ يعنې نږدې 3,500 اربه روپۍ اقتصادي فعاليت رامنځته کړي۔ د لومړي پړاو په اړه وويل شول چې په لومړۍ مرحله کې به نږدې 1,300 اربه روپۍ سوداګريز فعاليت وشي او له دې څخه به وفاقي حکومت ته شاوخوا 250 اربه روپۍ د مالياتو په توګه تر لاسه شي۔

کله چې وزير اعظم د پرانيستې پر مهال د دې پروژې economic impact په دې انداز بيان کړ، نو ميډيا او پانګه والو دا خبره جدي واخيسته او داسې تاثر رامنځته شو چې دا پروژه يوازې لاهور نه بلکې د ټول پنجاب اقتصادي بڼه بدله کولی شي۔ له همدې ذهنیت سره د ادارې صلاحيت يوازې لاهور پورې محدود نه وساتل شو، بلکې د ټول پنجاب پورې يې د پراخولو پرېکړه وشوه۔

د 2022 کال د اګست په 24 نېټه د پنجاب اسمبلۍ يو تعديلي بل منظور کړ چې له مخې يې د ادارې واک ټولې صوبې ته وغځول شو، او دا ترميم د 2022 کال د سپتمبر په 14 نېټه د پنجاب ګزيټ کې خپور شو۔ په همدې پړاو کې د ادارې نوم پنجاب سنټرل بزنس ډسټرکټ ډويلپمنټ اتهارټي يعنې سي بي ډي ډي اې کېښودل شو۔

(نور بيا په راتلونکې برخه کې)
ليکوال: سيد شايان